تۆ وه‌کوو سروه‌ی به‌یانانی به‌هاری
تۆ له له‌شما گیانی سووکی نادیاری
بۆ شه‌وی خۆشی و نه‌خۆشیم یادگاری
ره‌مزی ئینتزاری
تۆ جریوه‌ی دارستانی جێژوانی
بۆ هه‌سێره‌ی به‌رزی ئاواتم سریوه‌ی چه‌نده جوانی
گیانه‌که‌م جاران که ئه‌تکوت پێکه‌نینت زایه‌ڵه‌ی سه‌وزی شه‌تاوه
چاوی شینت گۆمی مه‌ندی پڕ له ماسی زه‌رد و سووری به‌ر هه‌تاوه
ئێسته بۆ وا شۆڕه‌بی برژانگی نه‌رمت ده‌وری داوه
بۆچی گه‌رمایی روانینت نه‌ماوه
by : @juanaa